ଆମେ ରାଜନୀତି କରିବାକୁ ଆସିନୁ, ଆମକୁ ଥରେ ସୁଯୋଗ ଦିଆଯାଉ: କେଜରିୱାଲ

ନୂଆଦିଲ୍ଲୀ,୨୫ ।୬: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଶନିବାର ହିମାଚଳ ପ୍ରଦେଶର କୁଲ୍ଲୁରେ ରୋଡ ଶୋ’ କରିଛନ୍ତି । ଆଗାମୀ ନିର୍ବାଚନକୁ ଆଖି ଆଗରେ ରଖି କେଜରିୱାଲ ଏବେଠାରୁ ପ୍ରସ୍ତୁୂତି ଆରମ୍ଭ କରି ଦେଲେଣି । ଏହି ଅବସରେ ସେ ଜନତାଙ୍କୁ କହିଥିଲେ ଏତେ ଟାଣ ଖରାରେ ବି ଆପଣମାନେ ଆସି ଥିବାରୁ ଧନ୍ୟବାଦ । ଯେମିତିକି ମୁଁ ଓ ମୋ ସାନ ଭାଇ ଭଗୱତ ମାନ କହିଥିଲେ ଆମେ ରାଜନୀତି କରିବାକୁ ଆସିନୁ । ଆମେ ଆନ୍ନା ଆନ୍ଦୋଳନରୁ ବାହରିଛୁ । ଆମେ ଶପଥ ନେଇଥିଲୁ କି ଆମେ ଦେଶରୁ ଭ୍ରଷ୍ଟାଚାର ହଟାଇବୁ । ଆମେ ଆମର ହିଁ ମନ୍ତ୍ରୀଙ୍କୁ ହଟାଇଛୁ । ଭଗୱନ୍ତ ମାନ ତାଙ୍କ ସ୍ୱାସ୍ଥ୍ୟମନ୍ତ୍ରୀଙ୍କୁ ଜେଲ ପଠାଇଛନ୍ତି । କାହାକୁ ଜଣା ନ ଥିଲା କ ଜିିରୋ ଟଲରାନ୍ସ ଅଛି । ନା ନିଜକୁ ଛାଡନ୍ତି ନା ଅନ୍ୟକୁ ।
ମୁଖ୍ୟମନ୍ତ୍ରୀ କେଜରିୱାଲ କହିଛନ୍ତି ହିମାଚଳର ହଜାର କୋଟିର ବଜେଟ ରହିଛି । ହେଲେ ଏତେ ବର୍ଷ ହେଲା କିଛି ସ୍କୁଲ, କଲେଜ ଅବା ହସ୍ପିଟାଲ ତିଆରି ହୋଇ ନାହିଁ । ତେବେ ହଜାର କୋଟି ଗଲା କୁଆଡେ । ୫ ବର୍ଷ ଭାରତୀୟ ଜନତା ପାର୍ଟି(ଭାଜପା) ୫ ବର୍ଷ କଂଗ୍ରେସ ନିକଟରେ ଥିଲା । ହେଲେ ଦିଲ୍ଲୀରେ ଆମେ ସ୍କୁଲ ଗୁଡିକୁ ସୁନ୍ଦର କରି ଗଢିଛୁ । ଏବେ ଲୋକେ ପିଲାମାନଙ୍କୁ ସରକାରୀ ସ୍କଲରେ ପାଠ ପଢାଉଛନ୍ତି । ଆଜି ମୁଁ ରାଜନୀତି କରିବାକୁ ଆସି ନାହିଁ । ଯଦି ଆପଣମାନଙ୍କୁ ଲାଗୁଛି ଭାଜପା ଅବା କଂଗ୍ରେସ ଆପଣଙ୍କ ପିଲାମାନଙ୍କୁ ଭଲ ସ୍କୁଲ ଦେଇ ପାରିବେ ତେବେ ତାଙ୍କୁ ଆପଣମାନେ ଭୋଟ ଦିଅନ୍ତୁ । ଯଦି ଆପଣ ଦୁଇଟି ଯାକ ଦଳକୁ ଦେଖି ସାରିଛନ୍ତି ତେବେ ଆମକୁ ଥରେ ସୁଯୋଗ ଦିଅନ୍ତୁ ବୋଲି କେଜରିୱାଲ କହିଛନ୍ତି ।