ଘୋଷଣା ହେଲା ୯ ଜଣିଆ ଭାରତୀୟ ମହିଳା ହକି ଦଳ
ଭୁବନେଶ୍ୱର : ସୁଇଜରଲାଣ୍ଡର ଲାଭସାନେଠାରେ ଏଫ୍ଆଇଏଚ୍ ମହିଳା ହକି ୫ ଏସ୍ର ପ୍ରଥମ ସଂସ୍କରଣ ଜୁନ୍ ୪ ଓ ୫ରେ ଅନୁଷ୍ଠିତ ହେବ। ଏଥିଲାଗି ଶୁକ୍ରବାର ୯ଜଣିଆ ଭାରତୀୟ ଦଳ ଘୋଷଣା କରାଯାଇଛି। ଦଳର ଅଧ୍ଵନାୟକତ୍ଵ କରିବେ ଅଭିଜ୍ଞ ଗୋଲକିପର ରଜନୀ ଏଟି ମୁର୍ମୁ ତାଙ୍କ ଡେପୁଟି ଭାବେ କାର୍ଯ୍ୟକରିବେ । ମହିମା ଚୌଧୁରୀ । ପ୍ରତିଯୋଗିତାରେ ଉରୁଗୁଏ, ପୋଲାଣ୍ଡ, ଦକ୍ଷିଣ ଆଫ୍ରିକା ଏବଂ ଆୟୋଜକ ସୁଇଜରଲାଣ୍ଡ ଅଂଶଗ୍ରହଣ କରିବେ ଦଳର ଅନ୍ୟ ସଦସ୍ୟାମାନେ ହେଲେ ଡିଫେଣ୍ଡର ରଶ୍ମିତା ମିଞ୍ଜ୍ ଓ ଅଜମିନା କୁଜୁର ଏବଂ ମିଡ୍ଫିଲ୍ଡର ବୈଷ୍ଣବୀ ବିଥାଲ ଫାଲ୍କେ, ମହିମା ଚୌଧୁରୀ ଓ ପ୍ରୀତି। ୟୁଥ୍ ଅଲିମ୍ପିକ୍ସ ହକି ୫ଏସ୍ ପ୍ରତିଯୋଗିତାରେ ଭାଗ ନେଇ ଖେଳିଥିବା ଫରୱାର୍ଡ ମରିଆନା କୁଜୁର, ମମତାଜ ଖାନ୍ ଏବଂ ରୁତାଜା ଦାଦାସୋ ପିସାଲ ମଧ୍ୟ ଦଳରେ ସ୍ଥାନ ପାଇଛନ୍ତି। ସୁମନ ଦେବୀ ଥୋଦମ ଏବଂ ରାଜନ୍ଦର କୌର ଷ୍ଟାଣ୍ଡବାଇ ଖେଳାଳି ଭାବେ ମନୋନୀତ ହୋଇଛନ୍ତି | ମୁଖ୍ୟ କୋଚ୍ ଜାନେକି ହଜି ୫ଏସ୍ ସ୍କୋମ୍ୟାନ ଦଳ ସହିତ ଯିବେ। ପ୍ରଥମ ଥର ହକି ୫ଏସ୍ରେ ଭାଗ ନେବାକୁ ଥିବାରୁ ଦଳର ଖେଳାଳିଙ୍କ ମନରେ ଉତ୍କଣ୍ଠା ରହିଥିବା ସେ କହିଛନ୍ତି।
ଭାରତୀୟ ଦଳ
ଗୋଲକିପର : ରଜନୀ ଏଟି ମୁର୍ମୁ (ଅଧିନାୟିକା) ଡିଫେଣ୍ଡର: ରଶ୍ମିତା ମିଞ୍ଜ୍, ଅଜମିନା କୌର। ମିଡ୍ ଫିଲ୍ମର ବୈଷ୍ଣବୀ ବିଥାଲ ଫାଲ୍କେ, ମହିମା ଚୌଧୁରୀ (ଉପ ଅଧିନାୟିକା)। ଫରୱାର୍ଡ: ମାରିଆନା କୁଜୁର, ମମତାଜ ଖାନ୍, ରୁତାଜା ଦାଦାସୋ ପିସାଲ। ଷ୍ଟାଣ୍ଡବାଇ: ସୁମନ ଦେବୀ ଥୋଦମ, ରାଜିନ୍ଦର କୌର।
