ଚାନ୍ଦପୁର ପୋଲିସ୍ ର ଚଢ଼ାଉ, ୫୮ଟି ଆସ୍କାଫୋଟି ଜବତ ସହ ଅଭିଯୁକ୍ତ ଗିରଫ

ଭୁବନେଶ୍ୱର : ନୟାଗଡ ଜ଼ିଲ୍ଲା ଚାନ୍ଦପୁର ଅଞ୍ଚଳରେ ଦିନକୁ ଦିନ ନିଶା କାରବାର ବଢୁଥିବା ବେଳେ ଏବେ ସକ୍ରିୟ ହୋଇ ଉଠିଛି ଚାନ୍ଦପୁର ପୋଲିସ l ସୂଚନାନୁସାରେ ଗତକାଲି ସନ୍ଧ୍ୟାରେ ଚାନ୍ଦପୁର ପୋଲିସ ଚାନ୍ଦପୁର ଏବଂ ରଣପୁର କୁ ସଂଯୋଗ କରୁଥିବା ମୁଖ୍ୟ ରାସ୍ତାରେ ଥିବା ରାଇପଡା ଛକ ରେ ଚଢ଼ାଉ କରି ପ୍ରାୟ ୫୮ଟି ଆସ୍କାଫୋଟି ଓ ଗୋଟିଏ ବାଇକ ଜବତ କରିବା ସହିତ ଜଣଙ୍କୁ ଗିରଫ କରିଛି l ଗିରଫ ଅଭିଯୁକ୍ତର ନାମ ମହେଶ୍ୱର ସ୍ୱାଇଁ l ସେ ପୂର୍ବରୁ ବିଭିନ୍ନ ନିଶା କାରବାର ରେ ସମ୍ପୂକ୍ତ ଥିବାବେଳେ ତା’ ନାମରେ ନୟାଗଡ ଜ଼ିଲ୍ଲା ର ବିଭିନ୍ନ ଥାନାରେ ଏକାଧିକ ମାମଲା ଥିବା ପୋଲିସ ପକ୍ଷରୁ ସୂଚନା ମିଳିଛି l