ଭଦ୍ରକ ସହରରେ ପାଳିତ ହେଲା ତ୍ୟାଗ ଓ ବଳିଦାନର ପବିତ୍ର ପର୍ବ “ଇଦ୍ ଉଲ୍ ଫିତର୍” ।

ଭୁବନେଶ୍ୱର: ଭଦ୍ରକ ସହରରେ ତ୍ୟାଗ ଓ ବଳିଦାନର ପର୍ବ ପବିତ୍ର “ଇଦ୍ ଉଲ୍ ଫିତର୍” ଆନନ୍ଦ ଉଲ୍ଲାସ ର ସହିତ ପାଳନ କରାଯାଇଛି l ଏହି ଉପଲକ୍ଷେ ଭଦ୍ରକ ସହରରେ ବସବାସ କରୁଥିବା ମୁସଲିମ ଧର୍ମବାଲମ୍ବୀ ମାନଙ୍କ ମଧ୍ୟରେ ଆନନ୍ଦ ଦେଖାଯାଇଛି l ସେମାନେ ଆଜି ସକାଳୁ ବିଭିନ୍ନ ମସଜିଦ ଏବଂ ଇଦଗାହା କୁ ଯାଇ ନମାଜ ପାଠ କରିଛନ୍ତି l ବିଶେଷ କରି ଇଦଗାହା ଠାରେ ଆଜି ସମୂହ ନମାଜ ପାଠ କରାଯାଇଥିଲା l ପ୍ରାୟ ୫ ହଜାର ରୁ ଅଧିକ ମୁସଲିମ ଲୋକ ମାନେ ଏକାଠି ହୋଇ ନମାଜ ପାଠ କରିଥିଲେ l ପରେ ସେମାନେ ପରସ୍ପରକୁ ଶୁଭେଚ୍ଛା ଓ ଅଭିନନ୍ଦନ ଜଣାଇ ଥିଲେ ଏବଂ ସେଠାରେ ଉପସ୍ଥିତ ଥିବା ନେତା ଓ ବିଧାୟକ ମଧ୍ୟ ସେମାନଙ୍କୁ ଶୁଭେଛା ଓ ଅଭିନନ୍ଦନ ଜଣାଇଥିଲେ । ଆଜିର ଦିନରେ ଆଲ୍ଲା ତାଙ୍କ ପ୍ରିୟ ଭକ୍ତଙ୍କ ଭକ୍ତିକୁ ପରୀକ୍ଷା ପାଇଁ କୁରୱାନୀ ବା ବଳିଦାନ ମାଗିଥିଲେ l ତେଣୁ ତାହାକୁ ସ୍ମରଣ କରିବା ପାଇଁ ଏହି ପର୍ବ ପାଳନ କରାଯାଉଥିବା ମୁସଲିମ ଧର୍ମବାଲମ୍ବୀ ମାନେ କହିଛନ୍ତି l ତେବେ ଏହି ପର୍ବକୁ ଶାନ୍ତି ଶୃଙ୍ଖଳା ର ସହିତ ପାଳନ କରିବା ପାଇଁ ଜିଲ୍ଲା ପୋଲିସ ପକ୍ଷରୁ ୨୦ ପ୍ଲାଟୁନ ପୋଲିସ ଫୋର୍ସ ବିଭିନ୍ନ ସ୍ଥାନରେ ମୁତୟନ ସହିତ ୬୦ ଜଣ ପୋଲିସ ଅଫିସର ଙ୍କୁ ନିୟୋଜିତ କରାଯାଇଥିବା ଭଦ୍ରକ ଏସ.ପି ସୂଚନା ଦେଇଛନ୍ତି l