ମାଗଣାରେ ଓଡ଼ିଆ ପଢିବେ ଛାତ୍ରଛାତ୍ରୀ

ଭୁବନେଶ୍ୱର : ରାଜ୍ୟରେ ଉଚ୍ଚଶିକ୍ଷା ଅଧୀନରେ ଥିବା ସମସ୍ତ ଡିଗ୍ରୀ କଲେଜ ଏବୋ ସ୍ୱୟଂଚାଳିତ ମହାବିଦ୍ୟାଳୟର ଓଡ଼ିଆ ବା ସମ୍ମାନ (ଅନର୍ସ) ଗ୍ରହଣ କରି ପାଠ ପଢ଼ୁଥିବା ଛାତ୍ରଛାତ୍ରୀଙ୍କୁ ପାଠପଢା ବାବଦକୁ କୌଣସି ଫି ଦେବାକୁ ପଡିବ ନାହିଁ । ଏହି ବିଭାଗର ଛାତ୍ରଛାତ୍ରୀଙ୍କୁ କେବଳ ହଷ୍ଟେଲ ଫି ଦେବାକୁ ପଡିବ । ଏହା ବ୍ୟତୀତ କଲେଜ କର୍ତ୍ତୃପକ୍ଷ ପିଲାମାନଙ୍କ ଠାରୁ ଆଉ କୌଣସି ବି ଫି ଆଦାୟ କରି ପାରିବେ ନାହିଁ ।

ଏନେଇ ୨୦୧୮ ମସିହା ଜାନୁଆରୀ ୧୯ ରେ ଉଚ୍ଚଶିକ୍ଷା ବିଭାଗ ପକ୍ଷରୁ ଜାରି ହୋଇଥିବା ବିଜ୍ଞପ୍ତିକୁ କଡାକଡି ଭାବେ ପାଳନ କରିବାକୁ ନିର୍ଦେଶ ଦିଆଯାଇଛି । ଏହାସହିତ ବିଶ୍ୱବିଦ୍ୟାଳୟ ପରୀକ୍ଷା ନିୟନ୍ତ୍ରକଙ୍କ ନିକଟରେ ପରୀକ୍ଷା, ସାର୍ଟିଫିକେଟ , ପରୀକ୍ଷା ଫି କୁ ଏହାକୁ ନେଇ ଦ୍ଵନ୍ଦ ରହିଥିବା ହେତୁ ଏହା କାର୍ଯ୍ୟକାରି ହୋଇପାରିନଥିଲା । କିନ୍ତୁ ବର୍ତମାନ ଉଚ୍ଚଶିକ୍ଷା ବିଭାଗ ପକ୍ଷରୁ ସ୍ପଷ୍ଟ କରାଯାଇଛି ଯେ ଓଡ଼ିଆ ବିଭାଗରେ ନାମ ଲେଖାଉଥିବା ପିଲାମାନଙ୍କୁ କେବଳ ହଷ୍ଟେଲ ଫି ଛଡା କୌଣସି ଫି ଦେବାକୁ ପଡିବ ନାହିଁ ।